** * မရှိတော့ပြီဖြစ်သော ကွန်းကော့ဒ်နဲ့ ဆူပါဆိုးနစ်များ (၁) ** *

သမိုင်းထဲက နာမည်ကျော်များ

မရှိတော့ပြီဖြစ်သော ကွန်းကော့ဒ်နဲ့ ဆူပါဆိုးနစ်များ စာစု (၁)

ဒီကနေ့မှာ တွေ့မြင်ရတဲ့ ပြတိုက်ဂိုဒေါင်ထဲက ကွန်းကော့ဒ်                              (ဓါတ်ပုံ မရငတ)

"She rolls ! Forty, forty five knots !

Ninety ! One hundred and thirty five,

Nose comes up to twenty degrees,

She's airbourne, She flies !! Concorde Flies !"                            

(Those famous words from Tony Baxter)

Concorde ကွန်းကော့ဒ် 

တခေတ် တခါက  ကောင်းကင်ပြာပြာ ဝေဟင်ထက်

သူမတူအောင် အစွမ်းတွေနဲ့ ဝဲကာပျံခဲ့ဖူးတဲ့ ကွန်းကော့ဒ်။

ဘာကြောင့် ဘာတွေနဲ့ နာမည် ကြီးခဲ့ရသလဲ၊

နံပတ်တစ်ကတော့ ဒီကနေ့ထိ အမြန်ဆုံး ဖြစ်နေတဲ့ အမြန်နှုန်းကြောင့်ပါ၊

Supersonic Transport (SST) သယ်ပို့လောကမှာ အမြန်ဆုံး ဖြစ်ခဲ့တာပါ၊

အဲဒီ အမြန်နှုန်းကြောင့်လည်း သူ့ဘဝ ပွဲသိမ်း မြန်မြန်စောခဲ့တယ်လို့ ဆိုကြပါတယ်၊

သူ့လို မြန်တဲ့ ဆိုဗီယက်ရုရှားရဲ့ Tupolev ကလည်း သူ့ထက်များများစော ပွဲသိမ်းခဲ့ရတာပါ၊

ဒါပေမယ့် ကွန်းကော့ဒ်ရဲ့ နာမည်ကြီးပုံမျိုးကိုတော့ ဆိုဗီယက်တို့ လိုက်မမီခဲ့တာက သေချာပါတယ်။

ကွန်းကော့ဒ်တစင်း မွေးဖွားခြင်း သေဆုံးခြင်း                                              (Photo Google)

အဲဒီကွန်းကော့ဒ်လေယာဉ် နာမည်ကြီးခဲ့ပုံက မောင်ရင်ငတေတို့ရဲ့ ဇနပုဒ်ထိကို ရိုက်ခိုက်ခဲ့ပါတယ်၊ 
မောင်ရင်ငတေတို့ ရွှေပြည်တော်မှာ နေထိုင်စဉ် လွန်ခဲ့တဲ့ နှစ်ပေါင်း သုံးဆယ်ခန့် အချိန်လောက်က 
လေယာဉ်ပျံကောင်းကောင်း မစီးဖူးစဉ်အချိန်က စီးဖူးချင်တွေ့ဖူးချင်ခဲ့တဲ့ လေယာဉ်တမျိုးကတော့ ဒီ 
ကွန်းကော့ဒ်လေယာဉ် အမျိုးအစား ဖြစ်ပါတယ်၊ ကောင်းကင်ယံထက် လေယာဉ်တစီး ဝဲပျံသွားတာ 
မြင်လိုက်ရရင် မျက်စေ့တဆုံး လိုက်ကြည့်မိတတ်တာကတော့ လူတိုင်းလိုလိုသာပါ။

ရွှေပြည်တော်ကြီးမှာ အဲဒီအချိန်ကာလက မြန်မာ့လေကြောင်းကော်ပိုရေးရှင်း အမည်တွင်ပါတဲ့ လေ

ကြောင်းဋ္ဌာနပိုင် လေယာဉ်တွေထဲမှာ အဲဒီ ကွန်းကော့ဒ် ဆိုတာမျိုး မရှိတော့ စီးဖူးဖို့ နေနေသာသာ  

တွေ့ဖူးဖို့တောင် မတွေးရဲခဲ့ပါဘူး၊ ငယ်စဉ်ကတော့ ဟင်္သာတ လေဆိပ်ကို ဆင်းသက်ဖူးတဲ့ ဒါကိုတာ 
လေယာဉ်ရယ် တွင်အော်တာလေယာဉ်တို့တော့ တွေ့ဖူးမြင်ဖူးခဲ့ပါတယ်၊ နောက်ပိုင်းမှာတော့ မြန်မာ့

လေကြောင်းမှာ အဲဒီအချိန်က ကမ္ဘာ့မိုးကောင်းကင်တလွှားမှာ တော်တော်များများ မင်းမူစိုးမိုးနေတဲ့ 
Fokker F27 Friendship တို့ Fokker F28 Fellowship တို့လည်း ရွှေပြည်ကြီးရဲ့ မိုးကောင်းကင်ဆီ

သို့ ရောက်ရှိလာပါတယ်၊ ဒါပေမယ့်လည်း မောင်ရင်ငတေတို့ ပြောင်းရွှေ့နေထိုင်ခဲ့ရတဲ့ ရွှေပြည်ကြီး 
ဧရာကမ်းနဘေး အလယ်တကြောကလည်း ကားလမ်း ရထားလမ်းတွေက သာနေတော့ လေယာဉ်

ဆိုတာကြီးကို တကူးတက မစီးဖြစ်ခဲ့ရပါဘူး၊ စီးကြည့်မယ်ကြံတိုင်း မောင်ရင်ငတေ့ရဲ့ ကြောက်စိတ် 
ကဖျက်လို့ ပျက်ခဲ့ရတာမျိုးလည်း ရှိပါတယ်၊ ခုထိ ဘယ်လောက်စီစီး ဒီ ကြောက်စိတ် ရှိနေဆဲပါ။

ဟင်္သာတ-ရန်ကုန် ခရီးစဉ်တွေက တပတ်မှာ တကြိမ်လောက်သာရှိခဲ့တာက တကြောင်း လေယာဉ် 
လက်မှတ်ဝယ်ဖို့ ဆိုတာက ဗွီအိုင်ပီ ဦးစားပေးစနစ်နဲ့ဆိုတော့ လက်မှတ်ရဖို့ အခက်အခဲတွေကြောင့် 
တကြောင်း စီးခွင့်ကံ မကြုံခဲ့ရတာ မောင်ရင်ငတေတို့ ငယ်စဉ်ဘဝက အခြေအနေ တွေပါ၊ စတင်ပြီး 
စီးဖူးခဲ့တဲ့ လေယာဉ်ပျံကတော့ Dutch ခေါ် Nederlands တွေရဲ့ Fokker ဖော်ကာအမျိုးအစားသာ 
ဖြစ်ပါတယ်၊ အဲဒါတောင် အသက် အတော်လေးကြီးမှ စီးဖူးခဲ့ရခြင်းပါ၊ ကွန်းကော့ဒ်ဆိုတဲ့ လေယာဉ် 
ကြီးကိုတော့ မောင်ရင်ငတေတို့ ကျောင်းစာအုပ် ဗလာစာအုပ် အဖုံးဖုံးရာမှာ အသုံးပြုခဲ့တဲ့ Time တို့ 
NewsWeek တို့လို နိုင်ငံရပ်ခြား သတင်းမဂ္ဂဇင်းတွေထဲမှာသာ တွေ့ခဲ့ဖူးပြီး မောင်ရင်ငတေ့ ရူပဗေဒ 
စာအုပ်ရဲ့ မျက်နှာဖုံးအဖြစ် အချိန်အတော်ကြာကြာ တည်ရှိခဲ့ဖူးတာက မှတ်မှတ်ရရပါ။

XY-AEQ-Fokker F27-400 Friendship                                                (Photo Google)

အဲဒီ Union of Burma Airways (UBA) လေကြောင်းလိုင်းကနေ Burma Airways ဒီနောက်တော့

Myanma Airways တဖြစ်လဲလို့ ဒီကနေ့မှာတော့ Myanmar National Airlines အဖြစ်အဆင့်ဆင့် 
အမည်ပြောင်းလဲခဲ့ပြီး စတင်တည်ထောင်ခဲ့တဲ့ ၁၉၄၈ ခုနှစ်ကနေ တွက်ကြည့်ရင် ၂၀၁၇ မှာ ၆၉ နှစ်

ပြည့်ခဲ့ပါပြီ၊ အဲဒီ မောင်ရင်ငတေတိုရဲ့ မဟာ့မဟာရွှေလေကြောင်းလိုင်းကြီးဟာ အာရှတခွင် အရှေ့ 
အနောက် တောင် မြောက် ဝဲယာက ဒီကနေ့ကာလ နာမည်ကြီးနေတဲ့ အမ်းမရိတ်တို့ ကာတာတို့ကို 
အသာထား ကိုးဆယ်ကျော် နှစ်ထောင်ခုနှစ်များက နာမည်ကျော် ဂျပန် ဂျေအေအယ်လ်တို့ ထိုင်းရဲ့ 
တီဂျီတို့ ဟောင်ကောင်က ကသေးပစိဖိတ်တို့ ကိုရီးယား စင်ကာပူ မလေးရှား အဲယားလိုင်းတို့ထက် 
ပိုမိုပြီး စောတယ်လို့ ဆိုကြပါတယ်၊ ဟိုတရက်က တွေ့လိုက်ရတာ ပြည်တွင်း လေကြောင်း သယ်ယူ 
ပို့ဆောင်ရေးအဖွဲ့ (ပလသဖ) ဆိုတာက UBA ယူဘီအေနဲ့ ဘာကွာသလဲ၊ လေကြောင်းပို့ဆောင်ရေး 
ကော်ပိုရေးရှင်း (BAC) ဆိုတာနဲ့ တူတူလား၊ နာမည်ပြောင်း ထားတာလား။

မောင်ရင်ငတေသေချာမသိပါဘူး၊ အဲဒီလိုမျိုးအပေါ်ယံ အမည်ပြောင်းတာတွေထက် ဖဆပလခေတ် 
တော်လှန်ရေးကောင်စီခေတ် မြန်မာ့နည်း မြန်မာ့ဟန်လမ်းစဉ် မဆလခေတ် ရွှေပြည်မြို့တော်မဟာ 
ကနေ နိုင်ငံရပ်ခြားသို့ ကြည်းရေလေ ခရီးသွားကြပုံတွေကိုသာ ပိုမိုစိတ်ဝင်စားမိပါတယ်၊ သူတို့တွေ 
ရဲ့ခေတ် ခရီးသွားရပုံနဲ့ မောင်ရင်ငတေတို့ရဲ့ခေတ် သွားရပုံတွေကို နှိုင်းယှဉ်ရေးဖို့ တို့တေးမှတ်ထား 
တာလေးတွေ ရှိပါတယ်၊ ဥပမာအားဖြင့် စာရေးဆရာ သော်တာဆွေ သာဂဒိုး မင်းရှင်တို့တွေ ၁၉၆၃ 
ခုနှစ် ဆိုဗီယက် မော်စကို ဂျီဒီအာ ခေါ် အရှေ့ဂျာမဏီသို့ သွားခဲ့ကြတဲ့ ခရီးစဉ်မျိုးတွေပါ၊ အဲဒီခေတ် 
လေကြောင်းခေတ်များ မတိုင်မီ ရေလမ်းအားကိုး သွားခဲ့ကြရတဲ့ သိပ္ပံမောင်ဝတို့ ဦးဖေမောင်တင်တို့ 
ခေတ် ပင်လယ်ကူး သင်္ဘောကြီးတွေနဲ့ တလကိုးသီတင်းဆိုသလို သွားခဲ့ကြတာလေးတွေကိုလည်း 
ဖတ်ဖို့ ကြုံလာခဲ့ရင် ဖတ်မှတ် တို့ထားပြီး ရောညှပ် ရေးဖြစ်ခဲ့တာတွေလည်း ရှိပါတယ်။

Aeroflot-Japan Air Lines TUPOLEV TU-114 ROSSIYA                           (Photo Google)

စာရေးဆရာ သော်တာဆွေသွားတဲ့ ၁၉၆၃ ခုနှစ်ကာလမှာက Tupolev Tu-114 Rossiya ခေတ်ပါ၊

သော်တာဆွေ သူတို့ပြည် စာအုပ်မှာ လေယာဉ်စီးတဲ့အကြောင်း ရေးထားတာက ဂျာကာတာ မြို့က 
လာတဲ့ အဲရိုဖလုပ်လေယာဉ်က ရန်ကုန်မင်္ဂလာဒုံကို ညသန်းခေါင်ကျော်ရောက် နောက်တနေ့မနက် 
စောစောမှာ နယူးဒေလီ ရောက် လေယာဉ်ပေါ်ကဆင်း ခဏနား ပြန်တက်၊ Ouzbékistan ဥဇဘက် 
ကစ္စတန် မြို့တော် Tachkent တာ့ရ်ှကင့်သို့ ရောက်၊ ခဏဆင်း ပြန်တက်၊ ညနေ ခွန်နှစ်နာရီခွဲ မှာမှ 
မော်စကိုလေဆိပ်သို့ ရောက်ပါတယ်၊ စုစုပေါင်းလေယာဉ်စီးချိန် ၁၆ နာရီ ကြာပါတယ်တဲ့၊ ဒါပေမယ့် 
ဘာလေယာဉ်နဲ့သွားကြတယ် ပန်ကာနဲ့လား ဂျက်လေယာဉ်လားတော့ သဲသဲကွဲကွဲရေးမထားပါဘူး၊ 
မောင်ရင်ငတေ မှတ်စုများအရတော့ အဲဒီအချိန်ကဆိုရင် Tupolev Tu-114 သာ ဖြစ်နိုင်ပါတယ်။

ရုရှားမှာ ဂျက်လေယာဉ်တွေ စပေါ်နေပြီဖြစ်ပေမယ့် ဟိုနားဒီနား ခရီးတိုလေးတွေသာ သွားနိုင်သေး 
တာပါ၊ ဒါပေမယ့် အဲဒီ ပန်ကာနှစ်ထပ် အင်ဂျင်လေးလုံးတပ် လေယာဉ်ကြီး TUPOLEV TU-114 က 
ခရီးသည် နှစ်ရာလောက်ဆန့်ပြီး ကီလိုမီတာ ငါးထောင်ကျော် သွားနိုင်တာမို့လို့ သူ့ခေတ်သူ့အခါက 
သူလည်း ဆူပါဂျမ်ဘို ဖြစ်ခဲ့တာပါ၊ အဲဒါကြောင့်လည်း ပြန်လည်ထူထောင်နေစ ဂျပန်ပြည်ရဲ့ Japan 
Air Lines ကြီးက အဲဒီ ဆိုဗီယက်လုပ် Tupolev Tu-114 တွေနဲ့ Aeroflot-Japan Air Lines ဆိုပြီး 
၁၉၆၀ ကျော် ကာလများမှာ ငှားရမ်း ပြေးဆွဲခဲ့ရဖူးပါတယ်၊ တခါက ဆိုဗီယက်တို့ အဲဒီလို ခေတ်ရှေ့

ပြေးခဲ့တာပါ၊ ဒါလောက်တင် မကသေးပါဘူး၊ ရှိပါသေးတယ်။

Le Concorde တခါက  ကွန်းကော့ဒ်                                                        (Photo Google)

အဲဒီနောက်ပိုင်း ဆိုဗီယက်ရုရှားတို့က အသံထက်မြန်တဲ့ Supersonic Tupolev Tu-144 လေယာဉ်

ထုတ်လုပ်ဖို့ ကြိုးစားလာသလို ပြင်သစ်နဲ့ အင်္ဂလိပ် တို့ကလည်း Concorde Supersonic လေယာဉ်

စီမံကိန်းတွေ အကောင်အထည်ဖော်ဖို့ အပြိုင် ကြိုးစားခဲ့ကြတယ် ဆိုရပါမယ်။

Concorde ဆိုတဲ့ အမည် စကားလုံးနဲ့ ပြင်သစ်ပြည်မှာ နာမည်ကြီးတာ နှစ်မျိုး ရှိပါတယ်၊

တခုက ပါရီမြို့လယ်က အီဂျစ်ပြည်က သယ်လာတဲ့ နာမည်ကြီး ကွန်းကော့ဒ် ကျောက်တိုင်ပါ၊

နောက်တခုကတော့ ဒီကနေ့ခေတ်မှာ မရှိတော့ပြီဖြစ်သော ကွန်းကော့ဒ် လေယာဉ် အမျိုးအစားပါ။

မောင်ရင်ငတေ အခု ရေးနေတာကတော့ လေယာဉ်ပျံကွန်းကော့ဒ်ရဲ့အကြောင်း ဖတ်ထားမှတ်ထား

သမျှကိုပါ၊ စတင်ပြီး ဖတ်ရင်း ရေ့း့့့ ရေးရင် ဖတ့့့့့့့် သိချင်တာတာ ရှာ့့့့့့့ ရှာရင်း

ရေးးးးးးးး နေခဲ့တာကတော့ ၂၀၁၃ ပါရီလေကြောင်းပြပွဲ အကြောင်း ရေးနေစဉ် ကာလထဲကပါ။

ဒါပေမယ့် မောင်ရင်ငတေ့ရေးထုံးရေးနည်းအရ လက်စမသတ်နိုင်ခဲ့ပါလို့ အခုဆိုရင် လေးနှစ်ကာလ 
တိုင်ခဲ့ပါပြီ၊ ပါရီလေကြောင်း ပြပွဲကြီးလည်း အကြိမ် ငါးဆယ်မြောက်ကနေ ဒီနှစ် ၂၀၁၇ မှာ ငါးဆယ် 
နှစ်ကြိမ်မြောက်အဖြစ် ကျင့်ပနေပါပြီ၊ လူတယောက် ဝင်ကြေး ၁၄ ယူရို ပေးရမှာဖြစ်လို့ ဒီတခါတော့ 
မောင်ရင်ငတေ မသွားတော့ဘူးလို့ စိတ်ကူးထားပေမယ့် ပါရီရောက်ရွှေနှစ်ယောက်က သွားကြည့်ဖို့ 
အဖော်ညှိလာတော့လည်း မနေနိုင်တော့ ကင်မရာဆွဲလို့ ထပ်မံရောက်ရှိခဲ့ ရတာပါ၊ ဒါကြောင့်လည်း

ကွန်းကော့ဒ်အကြောင်း ရေးထားတာလေးတွေကို အချောသပ် ရေးဖြစ်ခဲ့ရပြန်တာပါ။

Supersonic Tupolev Tu-144 CCCP-77102                                            (Photo Google)

အဲဒီခါတုန်းက ကွန်းကော့ဒ်ရဲ့ ပြိုင်ဖက်ကြီးက ဆိုဗီယက်ရုရှားရဲ့ Tupolev Tu-144 ပါ၊ တူးပိုလစ်ဗ် 

လေပေါ်ပျံဝဲနိုင်ခဲ့တာက ဒီဇင်ဘာ ၃၁ ရက် ၁၉၆၈ ခုနှစ်ဖြစ်ပြီး ကွန်းကော့ဒ်ထက် နှစ်လ စောခဲ့တာ 

ပါ၊ အဲဒီချိန်မှာ အမေရိကန်တွေဟာ McDonnell Douglas DC-9,Boeing 707 ဂျက်လေယာဉ်တို့နဲ့ 
အောင်မြင်မှုရရှိနေသလို Boeing 747-100 ကိုလည်း ၁၉၇၀ နှစ်ဆန်းမှာ စတင်ပြေးဆွဲ နေပြီဖြစ်ပြီး 

ဘာလို့များ ဒီဆူပါဆိုးနစ်လေယာဉ်လောကကိုတော့ လက်ရှောင်ခဲ့ကြပါသလဲဆိုတာ စဉ်းစားစရာပါ၊ 

ထူးခြားပါတယ်၊ အင်္ဂလိပ်ရဲ့ BAC One-Eleven တို့ Comet 4 တို့လို ဂျက်လေယာဉ်ကြီး တွေလည်း 

ဥရောပ ဝေဟင်တွင်မက အမေရိက အာဖရိက အာရှကောင်းကင်တွေ အထိတိုင် ရောက်ရှိ နေပါပြီ၊ 

သို့သော် သူတို့တွေလည်း ဆူပါဆိုးနစ် အဆင့်ထိ လှမ်းမတက်နိုင်ဘဲ ပျောက်ကွယ်သွားကြပါတယ်။

ဒီကနေ့ပြင်သစ်ရဲ့ Airbus A300 အဲယားဘတ်စ် အေ၃၀၀ ဂျက်လေယာဉ်များကတော့ ၁၉၇၂ ခုနှစ် 

နောက်ပိုင်းမှ စခဲ့တာဖြစ်ပြီး ဈေးကွက်ထဲကိုတော့ ၁၉၇၅ ခုနှစ်များမှာ စတင်ဝင်ရောက်လာပါတယ်၊ 

သို့သော် အဲယားဘတ်စ်နဲ့ ကွန်းကော့ဒ် ဆိုတာက ပြိုင်ဘက် မဟုတ်တဲ့ ညီအမတွေသာပါ။

အဲလိုချိန်မှာ ဆိုဗီယက်တို့ကတော့ တူးပိုလစ်ဗ် ဆူပါဆိုးနစ်တို့နဲ့ ကောင်းကင်ကမ္ဘာကို လွှမ်းမိုးနိုင်ဖို့ 

စ်ိတ်ကူးတွေတယဉ်ယဉ် အိပ်မက်တွေကို လက်တွေ့အကောင်ထည်ဖော် တည်ဆောက် နေကြပါပြီ၊ 

ပြိုင်ဘက် ကွန်းကော့ဒ်ကို ဖြစ်တဲ့နည်းနဲ့ အနိုင်ယူဖို့ ကြံစည် ကြိုးစားခဲ့ကြတာကြောင့်လည်း ဒီပြိုင်ပွဲ 

ကနေ စောစော နောက်ကောက်ကျခဲ့ရတယ်လို့လည်း သုံးသပ်သူ များလှပါတယ်။

ဆိုဗီယက်တို့ တည်ဆောက်ခဲ့တဲ့ တူးပိုလစ်ဗ် ဆူပါဆိုးနစ် ၁၆ စီး ရှိပါတယ်၊ ၁၇ စီး မြောက်ကတော့ 

အပြီး မသတ်နိုင်ခင် စီမံကိန်းပျက်သွားလို့ တည်ဆောက်လျှက်တန်းလန်း ရပ်ဆိုင်း လိုက်ရပါတယ်၊ 

စမ်းသပ်လေယာဉ် Prototype တစီး (CCCP-68001) Pre-Production တစီး (CCCP-77101) နဲ့ 

ကျန်တဲ့ ၁၄ စီးက ခရီးသည်ပို့ဆောင်ရေး ဈေးကွက်ထဲမှာပြေးဆွဲဖို့ ရည်ရွယ်တည်ဆောက်ခဲ့တာပါ။

ဈေးကွက်ထဲမဝင်မီ ၁၉၇၃ ခုနှစ် ဂျွန်လ Paris Air Show ပါရီလေကြောင်းပြပွဲမှာ ဈေးကွက်မြှင့်တင် 

ရေးအတွက် ရှိုးပွဲသို့လာရောက် စမ်းသပ်ပျံသန်းပြတဲ့ Tu-144 CCCP-77102 ပျက်ကျခဲ့တာကြောင့် 

ဈေးကွက်မရ အရှက်ကွဲ အိမ်ပြန်ခဲ့ရပါတယ်၊ ဒါပေမယ့်လည်း ၁၉၇၇ ခုနှစ် အကုန်ပိုင်းမှာ ခရီးသည် 

ပို့ဆောင်ရေး လောကကို ဝင်လာခဲ့ပါသေးတယ်၊ အဲဒီလို ဝင် ပြေးဆွဲနိုင်ခဲ့ပေမယ့် ကွန်းကော့ဒ်ထက် 

နောက်ကျခဲ့ပါတယ်၊ ၁၉၇၅ ခုနှစ်အကုန်ပိုင်းမှာ ပြည်တွင်းကုန်ပို့လေယာဉ်အဖြစ် လုပ်ခဲ့တာမျိုးတွေ 

ရှိပေမယ့် ခရီးသည် ပို့ဆောင်ရေးမှာတော့ စုစုပေါင်းမှ အခေါက်ရေ ၅၅ ခေါက်သာ ပြေးဆွဲနိုင်ခဲ့တာ 

မို့လို့ အရှုံးအမြတ် စာရင်း ဘယ်လိုများ ရေးဆွဲကြလေမလဲ့့့့့့့့့့ ဖတ်ရင်းမှတ်ရင်း 

မောင်ရင်ငတေ စဉ်စားခန်း ဝင်မိလိုက်ပါသေးတယ်။

အဲဒီလိုနဲ့ ၁၉၇၈ ခုနှစ် မေလမှာ နောက်ထပ်တစင်း စမ်းသပ်ပျံသန်းစဉ် ထပ်မံ ပျက်ကျခဲ့ရပြီးနောက် 

ခရီးသည် ပို့ဆောင်ရေး ကဏ္ဍမှာ နိဂုံးချုပ် စောခဲ့ရပါတော့တယ်၊ ပထမ လေယာဉ် ပျက်ကျတုန်းက 

ပြိုင်ဘက်ကွင်းသို့သွား ရှိုးပြနေစဉ်ဖြစ်တာနဲ့အညီ လေယာဉ်ကြောင့် စက်ပိုင်းဆိုင်ရာကြောင့် အမှား 

ဆိုတာထက် မောင်းသူ ပိုင်းလော့ခ်ရဲ့ ကြွားဝါလိုတဲ့ အတ္တမာနကို ပုံကြီးချဲ့ အပြစ်တင်ခဲ့ ကြပါတယ်၊ 

ဈေးကွက်ထဲရောက်ပြီး ဒုတိယတစီး ပျက်ကျ သွားခဲ့လေတော့မှ တူးပိုလစ်ဗ် ဆူပါဆိုးနစ် လေယာဉ် 

ကြီးတွေရဲ့ အားနည်းချက်ကို အမှန်မြင်တွေ့ လာခဲ့ကြရာက ဆက်လက် မပျံသန်းတော့ဖို့ ရပ်နားမိန့် 

ထုတ်ခဲ့ကြတယ် ဆိုပါတယ်၊ ထို့နောက် အာကာသလေ့လာရေး အနာဂတ်ဆူပါဆိုးနစ်ဆိုပြီး နာဆာ 

တို့ ဘိုးရင်းတို့နဲ့ ၁၉၉၆-၉၇ ခုမှာ ဘာဘာညာညာ တွဲလုပ်ခဲ့ကြသေးပေမယ့် ဘတ်ဂျက်ပြတ်သွားလို့ 

ရပ်ဆိုင်းခဲ့ရပြီး တူးပိုလစ်ဗ်ရဲ့ခေတ် နောက်ဘိတ်ဆုံး အဆုံးသတ် သက်ဆိုင်ရာ ဂိုဒေါင်ထဲသို့ရောက် 

ပင်စင်စား အငြိမ်းစား စောခဲ့ရတယ် ဆိုပါတယ်။

အဲဒီလိုမျိုး ကမ္ဘာစစ်လွန် စစ်အေးတိုက်ပွဲအတွင်း ကွန်းကော့ဒ် တူးပိုလစ်ဗ် ဆူပါဆိုးနစ် ပြိုင်ပွဲကြီးမှာ 

နည်းပညာပိုင်းဆိုင်ရာ သတင်းပေါက်ကြားမှုတွေရှိခဲ့ပြီး ကွန်းကော့ဒ် တူးပိုလစ်ဗ် တဘက်နဲ့တဘက် 

အပြန်အလှန် စွပ်စွဲ အဖမ်းအစီးတွေ ရှိခဲ့ပါတယ်၊ နိုင်ငံရေး စစ်ရေး အားပြိုင်မှု နောက်ခံတွေနဲ့သာပါ၊ 

မောင်ရင်ငတေ့ကတော့ ဆိုဗီယက်ရုရှားရဲ့ တူးပိုလစ်ဗ် ဆူပါဆိုးနစ် လေယာဉ်ကြီးတွေ ကွန်းကော့ဒ်

လောက်တောင်မှ အောင်မြင်မှု မရခဲ့တာကတော့ ကံမကောင်းရှာဘူးလို့သာ ပြောချင်ပါတော့တယ်။

Tupolev Tu-144 လေယာဉ်ကြီးတွေရဲ့ မအောင်မြင်မှု ဆိုဗီယက်နိုင်ငံကြီး ပြိုကွဲသွားမှုတွေနဲ့ အတူ

အခုလက်ရှိ ရုရှား ဖက်ဒရေးရှင်းနိုင်ငံရဲ့ Aeroflot Soviet Airlines အဲရိုဖလုပ် လေကြောင်းလိုင်းရဲ့ 

အမည်ကလည်း ကမ္ဘာတလွှား လေကြောင်း ခရီးသွားသူတွေရဲ့ လောကမှာ နောက်နားတနေရာက

ခပ်မှိန်မှိန်သာ ရှိနေပါတော့တယ်၊ အဲ့့့့့့ နာမည်ဆိုးနဲ့ ကျော်ကြားတာလေးတွေတော့ ရှိသပေ့ါ။

ကွန်းကော့ဒ်တစင်း မွေးဖွားခြင်း သေဆုံးခြင်း                                              (Photo Google)

အဲဒီလို ပွဲအစဦးပိုင်းမှာတင် တူးပိုလစ်ဗ်ဆူပါဆိုးနစ်တို့ စောစောစီးစီး ဇာတ်လမ်းသိမ်းသွားခဲ့ပေမယ့် 

ကွန်းကော့ဒ်ကတော့ ပြိုင်ဖက်မရှိ အောင်ပွဲခံ ပန်းပန်ဖို့ ဆက်လက်ကြိုးစားနေခဲ့ပါတယ်၊ Prototype 

နှစ်စီး Pre-Production နှစ်စီး Development နှစ်စီး Production ၁၄ စီး တည်ဆောက်ခဲ့ပြီးနောက် 

ဆူပါဆိုးနစ် ခရီးသည်ပို့ဆောင်ရေး လေယာဉ်လောကကို ဦးဆောင်ဝင်ရောက်လာပါတယ်။

ကွန်းကော့ဒ် လေယာဉ်များကို စတင်တည်ဆောက်ခဲ့တဲ့ ၁၉၆၃ မှ စမ်းသပ် ပျံသန်းပြနိုင်ခဲ့တဲ့ ၁၉၆၉

ခုနှစ် မတ်လ ၂ ရက်နေ့အတွင်း တည်ဆောက်ပေးကြဖို့ အမှာစာများ လက်မှတ်ရေးထိုးခဲ့ကြပါသေး 

တယ်၊ ဒါပေမယ့် တည်ဆောက်တဲ့ မူရင်းတိုင်းပြည် နှစ်ခုက ကုမ္ပဏီနှစ်ခုဖြစ်တဲ့ British Airways နဲ့ 

Air France တို့အတွက် ခွန်နှစင်းစီ တည်ဆောက် ပေးနိုင်ခဲ့တာက လွဲပြီး အမေရိကန် လေကြောင်း 

လိုင်းများဖြစ်ကြတဲ့ Pan Am, TWA, Continental, American, United တို့အပါအဝင် Lufthansa, 

Qantas, Japan Airlines အစရှိတဲ့ တခြား မှာယူထားတဲ့ အမှာစာများကို ၁၉၇၃ ခုနောက်ပိုင်းမှာ 

ဖျက်သိမ်းခဲ့ပြီး လေယာဉ်တည်ဆောက်မှုများကိုတော့ ၁၉၇၉ ခုနှစ်မှာ ရပ်ဆိုင်းခဲ့ပါတယ်၊ ရပ်ဆိုင်းခဲ့ 

ရတဲ့ အကြောင်းပေါင်းများစွာရှိပေမယ့် တူးပိုလစ်ဗ်နှစ်စီး (၁၉၇၃ နဲ့ ၁၉၇၈) များမှာ ပျက်ကျသွားခဲ့ရ

တာကတွေကလည်း အဓိက အကြောင်းရင်းတကြောင်း ဖြစ်တယ် ဆိုကြပါတယ်။

ကွန်းကော့ဒ်ဟာ စုစုပေါင်း အစင်း နှစ်ဆယ်တိတိ ရှိခဲ့ပါတယ်၊

အင်္ဂလန်နဲ့ ပြင်သစ်မှာ ဆယ်စင်းစီ ခွဲ တည်ဆောက်ခဲ့ကြခြင်းပါ၊

နမူနာ စမ်းသပ် သုံးစင်းစီနဲ့ British Airways နဲ့ Air France တို့အတွက် ခွန်နှစင်းစီ တည်ဆောက် 

ပြီးစီးခဲ့ပါတယ်၊ လက်မှတ်ထိုးပြီး အမှာစာများ ပျက်သွားတာကြောင့် ဒီ အစီး ၂၀ သာ ရှိခဲ့ခြင်းပါ။

လေယာဉ် ကိုယ်ထည်အပိုင်းကို ပြင်သစ်ပိုင် Aerospatiale လေယာဉ်ထုတ်လုပ်တဲ့ လုပ်ငန်းက ၆၀ 

ရာနှုန်း ပိုင်ဆိုင်ပြီး British Aircraft Corporation က ၄၀ ရာနှုန်း ပိုင်ဆိုင်ပါတယ်၊ စက် အင်ဂျင်ပိုင်း 

ဆိုင်ရာတွေကိုတော့ အင်္ဂလိပ် Rolls-Royce ကုမ္ပဏီက ၆၀ ရာနှုန်းနဲ့ ပြင်သစ် SNECMA ကုမ္ပဏီက 

၄၀ ရာနှုန်း ပိုင်ဆိုင်ကြတာပါ၊ အဓိက ကွန်းကော့ဒ်လေယာဉ် ထုတ်လုပ်တပ်ဆင်တဲ့ နေရာဒေသက 

အင်္ဂလန်နိုင်ငံ Bristol (Filton) မြို့နဲ့ ပြင်သစ်ပြည် တောင်ပိုင်းက Toulouse မြို့တွေ ဖြစ်ပြီး ပစ္စည်း 

အမျိုးမျိုးကို ထုတ်လုပ်ပေးသွင်းကြတဲ့ လုပ်ငန်းဌာနခွဲပေါင်းက ၈၀၀ လောက် ရှိပါတယ်၊ ပြင်သစ်ပိုင် 

Aerospatiale ကုမ္ပဏီဆိုတာကတော့ ယနေ့ စစ်ဘက်အရပ်ဘက်လေယာဉ်ကြီးတွေ အများအပြား 

ထုတ်လုပ်နေတဲ့ European Aeronautic Defence and Space Company N.V.(EADS) ဌာနကြီး 

ရဲ့ လက်ခွဲလုပ်ငန်း ဖြစ်ပြီး Airbus Industries ရဲ့ မူလလက်ဟောင်း လုပ်ငန်းကြီး ဖြစ်ပါတယ်။

Aerospatiale ကုမ္ပဏီနဲ့ British Aircraft Corporation တို့နှစ်ခုပေါင်းစပ်ပြီး တနိုင်ငံမှာ ၁၀ စင်းစီနဲ့

ကွန်းကော့ဒ်လေယာဉ်အစင်းပေါင်း ၂၀ ကိုသာ ထုတ်လုပ်ခဲ့ပေမယ့် အဲဒီအချိန်ကာလက လေယာဉ်

ဈေးကွက်မှာ ရှိနေတဲ့ နယ်သာလန်က Fokker Friendship အမေရိကန်က Boeing နဲ့ McDonnell

Douglas DC-10  ပြင်သစ်ပြည်က Airbus တို့ကို အပြတ်အသတ် ကျော်လွှားပြီး ထင်ရှားလာခဲ့တာ 

ဖြစ်ပါတယ်၊ ကွန်းကော့ဒ်ရဲ့ စွမ်းအားကလည်း ထက်မြက်ခဲ့တာကိုး၊ အသံထက်မြန်တဲ့ အလျှင်နှုန်း 

Supersonic Speed Mach 1 ကိုကျော်လွန်ပြီး သွားနိုင်တဲ့အထိ အမြန်နှုန်းထားရှိခဲ့ပြီး ယနေ့ကာလ 

နောက်ဆုံးပေါ် Airbus A380-800 Boeing 777-300ER တို့ Boeing 747-8I တို့ မစွမ်းဆောင်နိုင် 

သေးတဲ့ နယူးယောက်-ပါရီ၊ နယူးယောက်-လန်ဒန်ခရီးစဉ်တွေကို ပျံသန်းချိန်ကာလ သုံးနာရီခွဲခန့်နဲ့ 

ရောက်အောင် ပျံသန်းပြနိုင်ခဲ့လို့လည်း ထင်ရှား လူသိများ ကျော်ကြား လာခဲ့တာပါ။

အဲယား ဖရန့် ကွန်းကော့ဒ်                                                                            (ဓါတ်ပုံ မရငတ)

ဗြိတိသျှ အဲယားဝေးလ်စ် ကွန်းကော့ဒ်                                                      (Photo Google)

နယူးယောက်-လန်ဒန် ၃၄၅၈ မိုင်၊ နယူးယောက်-ပါရီ ၃၆၂၆ မိုင် (၅၈၃၆ ကီလိုမီတာ) ကို ဒီကနေ့ 

တိုက်ရိုက် သွားမယ်ဆိုခဲ့ရင် ဘယ်လို လေယာဉ်ပျံနဲ့ သွားသွား အမြန်ဆုံးနှုန်း ပျံသန်းချိန် ၆ နာရီခွဲမှ 

၇ နာရီခန့်ထိ အနည်းဆုံး ကြာမြင့်ချိန် ရှိပါတယ်၊ (ပြီးခဲ့တဲ့ ၂၀၁၈ နှစ်ဆန်းပိုင်းမှာ သတင်းတပုဒ် အ 

ရ Norwegian Air Boeing 787-9 Dreamliner လေယာဉ်ကြီးနဲ့ နယူးယောက်-လန်ဒန် ၃၄၅၈ မိုင် 

ခရီးကို ငါးနာရီ ဆယ့်သုံးမိနစ်နဲ့ အရောက်မောင်း စံချိန်တင်ခဲ့တာကို ဖတ်လိုက်မိပါတယ်၊ ပုံမှန်စံချိန် 

ထက် မိနစ် ၆၀ မျှစောပြီး အရောက် မောင်းနိုင်ခဲ့ပါတယ်၊ တနာရီ ၇၇၆ မိုင်နှုန်းထိ တင်မောင်းခဲ့ ရပါ 

တယ်လို့ စံချိန်တင်မောင်းခဲ့သူ လေယာဉ်မှူးကြီး Harold van Dam က ပြောဆိုပါတယ်၊) ၁၉၇၆ ခု 

နှစ်များက ကွန်းကော့ဒ်တွေက ဒီခရီးကို သုံးနာရီခွဲနဲ့ မောင်းလာခဲ့တာကို ခြေဖျားမမီနိုင်သေးပါဘူး။

ကွန်းကော့ဒ် အမြင့်ဆုံးတင် မောင်းနိုင်တဲ့ အမြန်နှုန်းက Mach 2.22 (တနာရီ ၁၇၀၄ မိုင် သို့မဟုတ် 

တနာရီ ၂၇၅၄ ကီလိုမီတာ) လို့ ဆိုကြပါတယ်၊ (တချို့ မှတ်တမ်းတွေမှာတော့ Mach 2.02 တနာရီ 

၁၃၅၄ မိုင် တနာရီ ၂၁၇၉ ကီလိုမီတာ လုိ့သာ ပြောကြပါတယ်၊) ဘယ်လိုဖြစ်ဖြစ် အသံထက် နှစ်ဆ 

(၁၅၃၆ မိုင်) နှုန်းနဲ့ မောင်းနိုင်မှသာလျှင်  နယူးယောက်-လန်ဒန် ၃၄၅၈ မိုင်ခရီးကို အဆင်းအတက် 

အမြန်နှုန်းလျော့ချိန် အပါအဝင် သုံးနာရီခွဲနဲ့ ရောက်ရှိနိုင်မှာပါ၊ Supersonic Speed အသံထက် မြန် 

တဲ့အလျင် Mach (1) ဆိုတာက တနာရီ ၁၂၃၅ ကီလိုမီတာ သို့မဟုတ် မိုင်ပေါင်း ၇၆၈ မိုင် သွားနိုင် 

တဲ့ အမြန်နှုန်းကို ဆိုလိုပါတယ်။

ကွန်းကော့ဒ်လေယာဉ်တွေဟာ အဲဒီအမြန်နှုန်းကိုရောက်အောင် အဲဒီအချိန်မှာထဲက မောင်းနှင်နိုင်ခဲ့ 

ကြတာပါ၊ ဒီကနေ့ ခေတ်အမီဆုံး ဆိုတဲ့ Airbus A380-800 လေယာဉ်ကြီးတွေတောင်မှ တနာရီကို 

ကီလိုမီတာ ၁၀၂၀ အထိ အမြင့်ဆုံးတင်မောင်းနိုင်ပြီး Boeing 747-8/9 တွေကတော့ ၉၈၈ ကီလိုမီ 

တာနှုန်းသာ မောင်းနိုင်ပါတယ်၊  အဲဒါတောင် ကွန်းကော့ဒ်က အဲဒီလေယာဉ်ကြီးတွေ တည်ဆောက် 

ခဲ့တာထက် အနှစ် ၃၀ ကျော် စောခဲ့တာပါ။

ပုံမှန်အားဖြင့် ဒီကနေ့ ဘိုးရင်းနဲ့ အဲယားဘတ်စ်ကြီးတွေ အဝေးခရီးတွေမှာ ပျံသန်းနေတဲ့ အမြင့်က 

ပေလေးသောင်းကျော်ကျော်သာရှိပေမယ့် ကွန်းကော့ဒ်ကတော့ အမြင့်ပေငါးသောင်းခွဲကျော် မီတာ 

တသောင်းရှစ်ထောင်ကနေ ပျံသန်းနိုင်တာပါ၊ ဒါကြောင့် ရာသီဥတုကောင်းရင် ကမ္ဘာကြီးရဲ့ အကွေး 

အခုံးတွေကိုတောင်မှ မြင်တွေ့နိုင်ပါတယ် ပြောကြပါတယ်။

မောင်ရင်ငတေ ၂၃၀၅၂၀၁၃-၀၁၀၇၂၀၁၈

သမိုင်းထဲက နာမည်ကျော်များ

မရှိတော့ပြီဖြစ်သော ကွန်းကော့ဒ်နဲ့ ဆူပါဆိုးနစ်များ စာစု (၁)

ကွန်းကော့ဒ်တစင်း မွေးဖွားခြင်း သေဆုံးခြင်း

မောင်ရင်ငတေ ၂၃၀၅၂၀၁၃-၁၀၀၇၂၀၁၈