Libellés

Archives du blog

samedi 30 juillet 2016

* ** နံရံပေါ်က အိုင်လပ်ဖ်ယူ ** *

ပါရီပုံရိပ်များ
နံရံပေါ်က အိုင်လပ်ဖ်ယူ


Le Mur des Je T'aime, Square Jehan-Rictus                                    (ဓါတ်ပုံ မရငတ)

ပါရီပုံရိပ်များကဏ္ဍမှာ ထည့်သွင်းဖော်ပြရမယ့် အကြောင်းအရာတခု ရှိပါတယ်၊ 
ဒီနေရာက ပါရီမြို့ရဲ့ နာမည်ကျော် မွန့်မတ်ထ်ပန်းချီတောင်ကုန်းနဲ့ မလှမ်းမကမ်းမှာ တည်ရှိနေပေမယ့်လည်း အကြောင်း မသင့်လို့ မရောက်ဖြစ်တဲ့ ကွက်ပျောက်နေရာတခုပါ၊ 

 မောင်ရင်ငတေ့ထံသို့ လာရောက်လည်ပတ်သူ တွေကိုလည်း တယောက်စ နှစ်ယောက်စကလွဲလို့ လိုက်မပြ ဖြစ်သေးတဲ့ နေရာတခုပါ၊

လိုက်မပြဖြစ်ခဲ့ရခြင်းအကြောင်းက သာမန်ပန်းခြံလေး တခုတွင်းမှာ တည်ရှိနေပြီး ဟိုအရင်ကတော့ လူသိနည်းပါးလှတာကြောင့်ပါ၊  

အခုနှစ်ပိုင်းတွေမှာတော့ ပါရီမြို့တော်ရဲ့ သမိုင်းကြောင်း အဟောင်း တွေနဲ့အတူ ပါရီရဲ့ ရိုမန်တစ် အလှအပများကို ခံစားချင်ကြသူ လူငယ်လေးတွေကြားမှာ ပေါ်ပြူလာ ဖြစ်လာတဲ့နေရာတွေ  
ပေါ်ပေါက်လာပါတယ်၊  

အဲဒီထဲမှာမှ ဒီနေရာက တနေရာအဖြစ် ထင်ရှားလာခဲ့ သလို အထူးသဖြင့်ကတော့ ပျားရည်ဆမ်းခရီး မှတ်တမ်းတင်ကြသူတွေကြောင့် လူသိပိုမိုပြီးများပြား လာဟန် တူပါတယ်၊  

မောင်ရင်ငတေ အဲဒီနေရာကို မရောက်ဖြစ်ခဲ့တာ ကြာပါပြီ၊ အရောက်အပေါက် နည်းခဲ့လေတော့ 
 မေ့နေသလိုတောင် ဖြစ်နေတာလည်း ပါမှာပါ၊  

ဒီတခေါက် မောင်ရင်ငတေ ရောက်သွားချိန်မှာတော့ လူပရိသတ် အတော်လေး များပြားနေတာ 
 တွေ့မြင်ရပါတယ်၊ မောင်ရင်ငတေတို့ရဲ့ အရှေ့အာရှသား လူငယ်လေးတွေ ပိုများပါတယ်၊  

တယောက်ချင်း နှစ်ယောက်ချင်းနဲ့ စုံတွဲ တချို့ပါ၊  

ဟောင်ကောင် တိုင်ဝမ် ကိုရီးယားက ခရီးသွားအုပ်စုတွေကိုတော့ မတွေ့ခဲ့မိပါဘူး၊  
အဲလို အုပ်စုတွေ သွားလေ့သွားထရှိတဲ့ နေရာမျိုးမှ မဟုတ်တာကိုး၊ ဘယ် တွေ့လိမ့်မလဲ နော်၊

                                               (Photo Google)
Les Amoureux du Mur des Je T’aime                            (ဓါတ်ပုံ မရငတ)

အဲဒီ နေရာကို  . . …… ….. . ….. ….. ……... ဖန်တီးခဲ့ကြသူတို့က၊
Le Mur des Je T'aime လို့ အမည်ပေးပါတယ်၊ အင်္ဂလိပ်လို ဆိုရင်တော့ Wall of Love ပေါ့၊
တချို့တွေကတော့ Le Mur des Romantiques လို့လည်း တင်စား ခေါ်ဝေါ်ကြလေ့ရှိပါတယ်၊

မေထရို အမှတ် (၁၂) အစိမ်းရင့်ရောင်လိုင်း Abbesses ဘူတာထိပ်ထွက်ပေါက်အနီးက ပန်းခြံလေး တခုအတွင်းမှာ တွေ့ရှိနိုင်ပါတယ်၊  

အဲဒီ Square Jehan-Rictus အမည်ရပါတဲ့ ပန်းခြံလေးက ၁၉၀၀ ခုနှစ် မတိုင်မီကပင် တည်ရှိခဲ့တာဖြစ်ပြီး ၁၉၃၆ မှာတော့ မြို့တော်ဝန်ရဲ့ အမိန့်ရ ပန်းခြံတခု ဖြစ်လာ ခဲ့ပါတယ်တဲ့၊  

ပန်းခြံရဲ့ အကျယ်အဝန်းက ဘာမှမရှိလှပေမယ့် သစ်ပင်ကြီးတွေက အုံ့အုံ့ဆိုင်းဆိုင်းနဲ့ ပန်းပင်
တွေကြား ခုံတန်းလျား စိမ်းစိမ်း အတော်များများ ထားရှိတာကြောင့် နေ့လည် နေ့ခင်းတွေမှာ
ဝင်ရောက် ခိုနားကြသူ အတော်အတန်များဟန် တူပါတယ်၊

နံရံပေါ်က အိုင်လပ်ဖ်ယူများ                                  (ဓါတ်ပုံ မရငတ)

ပန်းခြံစည်းရိုးနဲ့ ကပ်လျှက်မှာ လေးထပ်လားငါးထပ်လားမသိ တိုက်ဟောင်းတလုံးရဲ့ ခပ်မြင့်မြင့် နံရံ တခု ရှိပါတယ်၊ အဲဒီ နံရံ အောက်ခြေပိုင်းမှာ အပြာရောင် ကြွေပြားတွေ ကပ်ထားပါတယ်၊

အဲဒီကြွေနံရံမှာ ဘာမှမဟုတ်တဲ့ စကားလုံးလေး သုံးလုံးကို ရေးထားတာတွေပါ၊ တဘာသာတည်း နဲ့တာ့ မဟုတ်ပါဘူး၊ လူသိများလှတဲ့ စကားလုံးတွေရော လူသိနည်းတဲ့ စကားလုံးတွေရောတွ့မြင် ရပါတယ်၊

 မောင်ရင်ငတေ ဘာမှန်း မသိနိုင်တဲ့ နားမလည်နိုင်တဲ့ စကားလုံးတွဲတွေကို အများအပြား တနေရာ တည်းမှာ တွေ့မြင်ခဲ့ရတာမျိုးမို့ တမူထူးခြားစွာ ခံစား မြင်တွေ့ခွင့် ရခြင်းပါ၊

နံရံပေါ်က အိုင်လပ်ဖ်ယူများ                            (ဓါတ်ပုံ မရငတ)

နင့်ကိုငါချစ်တယ်                               (ဓါတ်ပုံ မရငတ)

နံရံပေါ်မှာ ရေးထားတဲ့ အိုင်လပ်ဖ်ယူတွေကတော့ အတော်များပြားပါတယ်၊ ဘာသာစာစကားပေါင်း ၃၀၀  ကျော် စုဆောင်းရရှိ ထားပါတယ်တဲ့၊ 

Je t'aime, I love you, Ti voglio bene, Eu amo-te, Jeg elsker dig, Wo ai ni, Te quiero ….  ….. …… …….. စသဖြင့် စသဖြင့် စုစုပေါင်း စကားလုံး တထောင်လောက် ရှိနေပါပြီတဲ့၊ 

ဒီကနေ့ခေတ်ကာလမှာ အသုံးပြုမှု အရမ်း နည်းသွားခဲ့ပြီ ဖြစ်ကြတဲ့ အမေရိကန် ရက်ဒ်အင်ဒီးယန်းတွရဲ့ Navajo စကားတို့ နယူးဇီလန် အော်ရဂျင်နယ်ကျွန်းသားတွေ ရဲ့ Maori စကားတို့ ရေခဲလူသား အက်စကီမိုတွေရဲ့ Inuit စကားတို့ အပြင် . …. . ……. …... ……

 မောင်ရင်ငတေတို့ရဲ့ မဟာ့မဟာ မဟာ ရွှေဗမာတို့ရဲ့ စကားလုံး ** * နင့်ကို ငါ ချစ်တယ် ** ကိုပါ ရှားရှားပါးပါး ဝမ်းသာစဖွယ် မြင်တွေ့ခဲ့ရပါတယ်၊

နင့်ကိုငါချစ်တယ်                                    (ဓါတ်ပုံ မရငတ)

ဒီနံရံက အိုင်လပ်ဖ်ယူများကို ဖန်တီးခဲ့ကြသူများကတော့ လက်ရေးလှဆရာ Calligraphist Fédéric Baron နဲ့ Mural Artist နံရံဆေးရေး ပန်းချီဆရာမ Claire Kito တို့ပါ၊ 

သက္ကရာဇ် နှစ်ထောင်ခုနှစ်မှာ သူတို့ စတင်ဖန်တီးခဲ့တဲ့ လက်ရာ Le Mur des Je T'aime ကတော့  ဘယ်လိုနည်းနဲ့ သက်ဆိုင်ရာက အတည်ပြုလို့ လက်ခံခဲ့ မခံခဲ့ဆိုတာ မောင်ရင်ငတေ သေချာ မသိရှိပေမယ့် ဒီကနေ့ ဂူဂဲလ်မြေပုံပေါ် မှာတော့ Le Mur des Je T'aime ဆိုတာက ပါဝင်နေခဲ့ပြီမို့ အလွယ်နဲ့ ရှာဖွေတွေ့ရှိ နိုင်ပါပြီ၊

အဲဒီပန်းခြံကလေးနဲ့ အဲဒီတိုက်နံရံလေးဟာ ပြင်သစ်ရဲ့ ထိမ်းသိမ်းရမယ့် အဆောက်အဦး စာရင်းမှာ မပါပါဘူး၊ ယူနက်စကိုတို့ World Heritage တို့စာရင်းတွေမှာလည်း မပါဝင်ပါဘူး၊ 

တရာ့တပါးသော နာမည်ကြီး ပုဂ္ဂိုလ်ကြီးများ စာရင်းမှာ ပါဝင်သူများ ဖြတ်သန်းသွားခဲ့ရာလည်း မဟုတ်ပါဘူး၊

အဲ ဒါပေမယ့် ဗန်ဂိုးတို့ ရေးနွားတို့ ပီကာဆိုတို့ မိုဒီလျာနီတို့ အူထရီလိုတို့လို ဒီကနေ့ခေတ် ဆရာကြီး
များစာရင်းမှာ ပါဝင်နေသူတွေ မအောင်မြင် မကျော်ကြားသေးစဉ် အခါက ဒီမွန့်မတ်ထ်တောင်ကုန်း လမ်းကြိုလမ်းကြား မူးမူးရူးရူး ရောက်ရာပေါက်ရာ သွားကြရင်း တမေ့တမော အိပ်မောကျခဲ့ဖူးကြတဲ့ ခုံတန်းလျားလေးတွေထဲက တခုလေများ ဖြစ်လေမလားလို့တော့ မောင်ရင်ငတေ တွေးမိခဲ့ရ ပါသေးတယ်၊

Le Livre des Je T'aime (The Book of I Love Yous)                        (Photo Google)

ဖရက်ဒရစ် ဘာရွန်ဟာ လူမျိုးဘာသာပေါင်းစုံရဲ့ အဲလို လက်ရေးလှစာလုံးတွေကို လိုက်လံလေ့လာ စုဆောင်းခဲ့ပြီး စုဆောင်းမိခဲ့သမျှကို စာအုပ်တအုပ် လုပ်၍ ပြင်သစ်မှာ အုပ်ရေငါးသောင်း အလကား
 ဝေခဲ့ပါတယ်တဲ့၊ 

ဖရက်ဒရစ်နဲ့ ကီတိုတို့ နှစ်ယောက် ပေါင်းပြီး ဒီလို ဖန်တီးခဲ့တာက ဝါသနာအရလား ထင်ပေါ် ကျော်ကြားချင်လို့လား တွေးမိသူတွေ သိချင်သူတွေ ရှိမှာပါ၊ 

တချိန်မှာတော့ သမိုင်းဝင်ချင် ဝင်သွားနိုင်ပါတယ်၊ ဒီ အိုင်လပ်ဖ်ယူ နံရံကြီးကို ဖျက်စေလို့ အမိန့်ထုတ်မယ့် အသည်းနှလုံး သေးတဲ့ အာဏာပိုင်ကြီးတွေ ပေါ်ပေါက်မလာခဲ့ရင်ပေ့ါလေ၊

သူတို့ကတော့ သူတို့ရဲ့ဒီလက်ရာကို ဖန်တီးခဲ့ရခြင်းအကြောင်းက ငြိမ်းချမ်းမှုတွေ တစတစ နည်းပါး ခန်းခြောက်လာတဲ့ ကမ္ဘာမြေကြီးမှာ မေတ္တာတရားတွေ ပြန်လည် ထွန်းကားလာစေဖို့ ရည်ရွယ်ချက် နဲ့ပါလို့ ဆိုပါတယ်၊ 

ကမ္ဘာမြေကြီးကို စည်းမျဉ်းတွေတား နံရံတွေခြားစေချင်သူတွေ နည်းပါးလာစေဖို့ ဒီကနေ့မှာ တောင်းဆိုကြဖို့ ပိုမို လိုအပ် လာနေပါပြီလို့ သူတို့က ဆိုပါတယ်၊

ဟုတ်လည်း ဟုတ်လောက်ပါပေရဲ့၊ ဒီနှစ်ပိုင်းအတွင်းမှာဘဲ ငြိမ်းချမ်းရေး ဒိုင်းကြီးတွေကိုင်ပြီး ခုတ်ကြ ထစ်ကြ ရိုက်ကြ နှက်ကြတဲ့ သတင်းဆိုးတွေကိုသာ တခြိမ်းခြိမ်း ကြားနေကြရတယ် မဟုတ်ပါလား၊ 

ဘယ်ဒေသ ဘယ်စက်ရုံက ထုတ်လုပ်မှန်း မသိနိုင်ပါတဲ့ လက်နက်ကြီးတွေနဲ့ စစ်ရေးပြပွဲကြီးတွေက ကြီးမားသထက် ကြီးမားလာပြီး ဒီမိုကရေစီ လက်ကြားမချ အော်ဟစ်ကြသူတွေ ပိုမိုများလာနေတာ ကတော့ အမှန်ပါ၊  

 မောင်ရင်ငတေကတော့ အဲဒီ ဒီမိုကရေစီ ဆိုတာကြီးကို ပစ်ပြီး ရိုမန်တစ်စစ်စစ်နဲ့
ခပ်အေးအေးသာသာ နေချင်မိပါတော့တယ်၊ ကဲ နံရံပေါ်က အိုင်လပ်ဖ်ယူကို နိဂုံးချုပ်ပါမယ်၊

နံရံပေါ်က အိုင်လပ်ဖ်ယူကို စတင်ဖန်တီးသူ လက်ရေးလှဆရာ Calligraphist Fédéric Baron ဟာ
နိုင်ငံအတော်များများကို ရောက်ခဲ့ပြီး လက်ရေးတွေကို လေ့လာခဲ့ရာကနေ ဒီအကြံကို ရရှိပြီး ၁၉၉၈ ခုနှစ် နောက်ပိုင်းကစပြီး အကောင်အထည် ဖော်ဖြစ်ခဲ့ရာ အခုအခါမှာတော့ နာမည်ကျော်စ ပြုလာခဲ့ ပါပြီ၊ 

ဒါမျိုးတွေကို စိတ်ဝင်စားတတ်တဲ့ မောင်ရင်ငတေတို့လိုကောင် လူအိုကြီးတွေရယ် ကမ္ဘာလှည့် ပျားရည်ဆမ်းချင်ကြတဲ့ လူငယ် ချာတိတ်တွေရယ် ရှိနေတာကြောင့် ပိုမိုပြီး နာမည်ကျော်ကြားလာဖို့ ရှိပါသေးတယ်လို့ ထင်မြင်ယူမိရကြောင်းပါ ခင်ဗျား၊ 

ဒီတခေါက် ပါရီမြို့သို့ လာလည်မယ့်သူကိုတော့ ဒီနေရာလေးကို မရောက်ရောက်အောင် လိုက်ပို့ဖို့ ရည်ရွယ်ထားမိရကြောင်းပါ၊

Wall of Love (The wall of I love yous)                                          (ဓါတ်ပုံ မရငတ)

နောက်ဆက်တွဲ အနေနဲ့ ဆက်ရေးရရင်  . . . ……. ……… အဲဒီနေ့က

ကံကြုံချင်တော့ မောင်ရင်ငတေ ပန်းခြံလေးထဲက ပြန်အထွက်မှာ အကမင်းသမီးတလက်နဲ့အဖွဲ့တဖွဲ့  ဝင်လာတာတွေ့လို့ မှတ်တမ်းတင်ဖို့ ပြန်ဝင်လိုက်သွားခဲ့ပြီး မင်းသမီးရဲ့ တကိုယ်တော်အဆိုအကကို မှတ်တမ်းတင်ခွင့် ရလိုက်ပါတယ်၊

 အော်ပရာမှာဆိုကသလို ဆိုကသွားတာကို မှတ်တမ်းတင်လို့သာ တင်ခဲ့ရပေမယ့် ဘာအဓိပ္ပါယ်လဲ ဘာအတွက်လဲတော့ မသိလိုက်ပါဘူး၊

သြော် ခပ်ညံ့ညံ့ ခပ်တုံးတုံး လေးသာ ကောင်းပါတယ် မောင်ရင်ငတေလို့သာ ကိုယ့်ကိုကိုယ် အားပေးမိ လိုက်ရပါတယ် ခင်ဗျား၊

အဆိုအကကို နားလည်ခံစား ကြည့်ရှုချင်သပ
ဆိုရင်တော့ ဒီ ယူကျူကိုသာ ဖွင့်ကြည့်ကြပါကုန်၊

မောင်ရင်ငတေ ၂၈၀၇၂၀၁၆

vendredi 29 juillet 2016

** * ပါရီ ရိုမန်တစ်ရပ်ဝန်းထဲက ရိုမန်မတစ်ခဲ့တဲ့ နေ့ရက်များ * **

ပါရီပုံရိပ်များ (ဘဝထဲကလူသား)
ပါရီ ရိုမန်တစ်ရပ်ဝန်းထဲက ရိုမန်မတစ်ခဲ့တဲ့ နေ့ရက်များ



ရိုမန်တစ် လှေကားထိပ်က မောင်ရင်ငတေရဲ့ မဟာဟော်တယ်                         (ဓါတ်ပုံ မရငတ)

ပါရီ ရိုမန်တစ်ရပ်ဝန်းထဲက ရိုမန်မတစ်ခဲ့တဲ့ ဘဝအကြောင်း ဆိုတာက့့့့့့ မောင်ရင်ငတေရဲ့ 
ပါရီကို ဖြတ်သန်းခဲ့တဲ့ ဘဝသမိုင်း အပိုင်းအစ တခုပါ၊ မေ့ထားခဲ့တာတော့ ကြာပါလေပြီ။

မောင်ရင်ငတေရဲ့ ပါရီဇီယမ်သားအဖြစ် ဘဝအစပိုင်းမှာ ဒီနေရာ ဒီရပ်ကွက်မှာ တနှစ်နီးပါး ဆယ်လ
ကျော်ခန့် ဖြတ်သန်းခဲ့ဖူးပါတယ်၊ နေရာကတော့ ပါရီမြို့ရဲ့ တကယ့် ရိုမန်တစ် ဧရိယာထဲမှာ တည်ရှိ
ပါတယ်၊ ပြောရမယ်ဆိုရင်တော့ ပါရီမြို့က ရိုမန်တစ် တောင်ကုန်းဖြစ်တဲ့ မွန့်မတ်ထ် တောင်ကုန်းရဲ့ 
(Butte Montmartre) တောင်ခြေ မြောက်ဘက်အခြမ်းမှာ တည်ရှိတာပါ။

သို့ပေသော်လည်း မောင်ရင်ငတေ့ ဖြတ်သန်းခဲ့ရတာကတော့ ဘယ်လိုမှ ရိုမန်တစ် မဆန်လှပါဘူး။


မဟာဟော်တယ် မျက်နှာစာက ရိုမန်တစ်အလှ                                             (ဓါတ်ပုံ မရငတ)

ရိုမန်တစ်ဆန်လှတဲ့ လှေကားထိပ်မှာ တည်ရှိတဲ့ ကမ္ဘာအရပ်ရပ်က ရိုမန်တစ်သမားတွေ လာရောက် 
တည်းခိုလေ့ရှိတဲ့ ရိုမန်တစ် ဟော်တယ်တလုံးမှာ ရိုမန်တစ်သမား ရွှေတယောက်ရဲ့ ရိုမန်မတစ်လှပါ 
တဲ့ ဟော်တယ် လုပ်သားဘဝအဖြစ် ရိုမန်မတစ်စွာ ဖြတ်သန်းခဲ့ရတဲ့ ရက်ပေါင်း သုံးရာကျော်ကာလ 
ပါ၊ ကာလတိုတခု ဖြစ်ခဲ့ပေမယ့် စိတ်ထဲထင်စွဲ ကျန်ရစ်နေရဆဲ ကာလတိုပါ။

ပါရီရိုမန်တစ် မွန့်မတ်ထ်တောင်ကုန်းဝန်းကျင်က တည်းခိုခန်းအများစုက ဝမ်းစတား အဆင့်သာသာ
အများစုပါ၊ အဲသလို ဝမ်းစတားအဆင့်လောက်သာ ဆိုပေမယ့် မောင်ရင်ငတေရဲ့ မဟာဟော်တယ်
စုစုပေါင်း အခန်း ၅၂ ခန်းဟာ ဘယ်နေ့မှာမှ အခန်းလွတ် မရှိ အခန်းပြည့် ဧည့်ပြည့် ရှိခဲ့တာချည်းပါ။

တခါတလေနေ့များမှာ မောင်ရင်ငတေတယောက်တည်းရဲ့လက်ရာနဲ့ အခန်းတိုင်းဟာ နေချင်စဖွယ် 
လှပနေတတ် ပါတယ်၊ ဓါတ်လှေခါးမရှိ ခြောက်ထပ်မြင့် အဆောက်အဦးနှစ်ခုနဲ့ မဟာဟော်တယ်မှာ 
ရက်ပေါင်း သုံးရာလောက် အဆင်းအတက် လုပ်ခဲ့ရတဲ့ ကျေးဇူးကြောင့် ပြင်သစ်မြေ ရောက်စထဲက 
လွမ်းနာကျ ချူချာ နေတတ်တဲ့ မောင်ရင်ငတေရဲ့ ကျန်းမာရေးကလည်း အကောင်းဘက်ကို ပြန်လို့ 
ရောက်လာခဲ့တာကြောင့် ဒီကနေ့မှာတော့ ကျေးဇူးတင်နေရပါတယ် မဟာဟော်တယ်ရေ။


အလုပ်ပြီးချိန် ထိုင်ခဲ့ဖူးတဲ့ ရိုမန်တစ် လှေကားထစ်များ                                    (ဓါတ်ပုံ မရငတ)

အလုပ်အပြီး ပြန်စရာ ကိုယ်ပိုင်အိမ် အတည်တကျမရှိခဲ့လို့ ပိုတဲ့အချိန်ပိုတွေကိုဖြုန်းရင်း ထိုင်ခဲ့ဖူးတဲ့
အဲဒီ ရိုမန်တစ် လှေကားထစ်များကိုတော့ တခါတလေ သတိယမိရပါတယ်၊ ဒါပေမယ့် အကြောင်း 
မတိုက်ဆိုင်လို့ရော သွားချင်စိတ် မပေါ်ပေါက်မိလို့ရော မရောက်ဖြစ်တာ အတော်ကြာခဲ့ပါပြီ။

အဲဒီ လှေကားထစ်များရှိရာသို့ တမင်သက်သက်သာ မရောက်ဖြစ်ခဲ့ပေမယ့် ပါရီမြို့သို့ ရောက်လာခဲ့ 
ကြတဲ့ မောင်ရင်ငတေရဲ့ ပတ်သက်ရာပတ်သက်ကြောင်း ဘော်ဒါအပေါင်းကိုတော့ ဒီရိုမန်တစ်လှပါ 
တဲ့ Butte Montmartre တောင်ခြေပတ်ပတ်လည်ကို လိုက်ပို့ရင်း မောင်ရင်ငတေ့ မဟာဟော်တယ်
လှေကားထစ်များကို ခပ်လှမ်းလှမ်း အဝေးက လှမ်းမြင်ရင်း အဆွေးပိုခဲ့တာမျိုးတွေ ရှိခဲ့ပါတယ်။

ပြန်မလိုချင်တော့တဲ့ ရွှေ့ပြောင်းအခြေချ လုပ်သားဘဝရဲ့ ပါရီ ဘဝအစ အလွမ်းဆွေး တခုပေါ့လေ၊
ပြန်မလိုချင်တော့သော်လည်း မောင်ရင်ငတေ့ ခံစားတတ်တဲ့ ရင်ထဲမှာတော့ မေ့လျော့မရ တသသ 
နဲ့တော့ ရှိနေဆဲ နေရာတခုအဖြစ် တည်ရှိနေပါတယ်ဆိုရင် မမှားနိုင်ပါဘူး။


အလုပ်ပြီးချိန် ထိုင်ခဲ့ဖူးတဲ့ ရိုမန်တစ် လှေကားထစ်များ                                    (ဓါတ်ပုံ မရငတ)

ဒီတခါတော့ အကြောင်းတိုက်ဆိုင် လာတာရော မှတ်တမ်းရေးချင်စိတ်ရော ပေါ်လာတာနဲ့ မရောက်
ဖြစ်တာ ကြာခဲ့ပြီဖြစ်တဲ့ အဲဒီလမ်းနဲ့ အဲဒီလှေကားထစ်တွေ ရှိရာကို ရောက်ခဲ့မိပါတယ်။

ဟို အရင်နှစ်များဆီလောက် နာကျင်မှုတွေ ရင်ထဲ သိပ်များများ မခံစားရတော့ပေမယ့်လည်းးးးးးးးး

ဒါတွေဟာ ဘဝတွေပါ၊
ဒါတွေဟာ ဘဝထဲက အတိတ်တွေသာပါ၊
ဒါတွေဟာ ဘဝထဲက အစိတ်အပိုင်းတွေပါ၊
ကျန်ခဲ့ပါပြီ၊ ပြီးခဲ့ပါပြီ၊ ထားခဲ့လို့တော့ မရသေးပါဘူး။


မဟာရိုမန်တစ် ဟော်တယ် အဝင်လမ်းက ကဖေးဘား                                    (ဓါတ်ပုံ မရငတ)

ဒီနေရာ ဒီအလုပ်ကနေ ဘာကြောင့် ထွက်ပြေးခဲ့ရသလဲ ဆိုတာကတော့ အလုပ်လုပ်တယ်၊
ပြီးရင် မကျေနပ်ရင် ထွက်ပြေးနေကြ မောင်ရင်ငတေအတွက်ကတော့ အထူး ပြောစရာ မရှိပါဘူး။

မကျေနပ်ခဲ့လေတိုင်း (အထူးသဖြင့်ကတော့ ဘော့စ်ဆိုတဲ့ လူတန်းစားတွေကို ပေါ့၊) ထွက်ပြေးခဲ့တဲ့
အကြိမ်ပေါင်းက သောင်းခြောက်ထောင်မျှ ရှိခဲ့ပါပြီလို့သာ ဆိုပါရစေ ဒီ အလုပ်မှာတော့ ဟော်တယ်
လေးငါးခြောက်လုံး ပိုင်ဆိုင်တဲ့ ဂျူးနွယ်ဖွားဘော့စ်နဲ့ သိပ်မတွေ့ရလို့ ဘယ်လောက်ကောင်းတယ်လို့
မပြောနိုင်ခဲ့ပါဘူး၊ မန်နေဂျာလုပ်တဲ့ အယ်လ်ဂျီးရီးယန်း ပြင်သစ်ကတော့ မောင်ရင်ငတေ့ကို စာပေ 
မတတ်တဲ့ Sino-Tibétaines ရှီနွားမျိုးနွယ်ထင်ပြီး (Chinois ရှီနွား ဆိုတာက ပေါက်ဖော်ကြီးတွေကို 
ပြင်သစ်လို ခေါ်တာပါ) မောင်ရင်ငတေရဲ့ လုပ်ခလစာကို ဖြတ်ခုတ်ဖို့ ကြံရွယ်ခဲ့တာကြောင့် အလုပ် 
ပြောင်းဖို့ ကြိုးစားခဲ့တာပါ၊ ကောမတ်စ်မေဂျာနဲ့ ကျောင်းဆွေးလူဆွေးနေလာခဲ့ပြီး တပိဿာတဆယ်
အဝက်သားဆို ဘယ်လောက်ကျသင့်မလဲ ဆိုတာကို စိတ်တွက် တွက်တတ်တဲ့ မောင်ရင်ငတေ့ကို 
ပညာလာပြတဲ့ အဲဒီအယ်လ်ဂျီးရီးယန်း ပြင်သစ်ကောင်လောက်ကို ကောင်းကောင်းပြောဆို ဆုံးမပြီး 
အလုပ် ထွက်လာခဲ့တဲ့ မောင်ရင်ငတေပါ။

အလုပ်ပေါင်းစုံ ဘဝပေါင်းစုံကို ဖြတ်သန်းကျင်လည်ခဲ့ဖူးတဲ့ မောင်ရင်ငတေ့အတွက်က အလုပ်ကြမ်း
အလုပ်နု မရွေး ဘာလာလာ လာထား ရင်ဆိုင်ကျော်ဖြတ် နိုင်ခဲ့ပြီးသားပါ၊ အလုပ်အတူ လုပ်ခဲ့ကြတဲ့
ဘရာဇီး မက္ကစီကို အာဖဂန် အယ်ဂျီးရီးယား တူနီးရှား သီရိလင်္ကာ ကိုလံဘီယာ ဗီယက်နမ် ဆီနီဂေါ 
အီတလီ အစ္စရေး ပါလက်စတိုင်း ၁၂ ယောက်သော အမျိုးမတူသူတွေရဲ့ စရိုက်ဆိုးကောင်း ပေါင်းစုံ 
ကို ထိတွေ့သိရှိခွင့် ရခဲ့တာကတော့ ကြီးစွာသော အမြတ်တခုပါ၊ ပြင်သစ်ရောက်ရောက်ချင်းကာလ 
ကမ္ဘာ့လူမျိုးပေါင်းစုံကို ထိတွေ့ခွင့်ရခဲ့တာပါ၊ လာရောက်တည်းခိုသူတွေကလည်း လူမျိုးတရာ့တပါး 
မကပါ၊ လူလူချင်းမတူမတန်ဆက်ဆံသူ လူမျိုးရေးအမြင်ကျဉ်းမြောင်းသူ အမျိုးမျိုး တွေ့ခဲ့ရပါတယ်။

မင်းသမီးဂိုက်ဖမ်းပြီး စီးကရက်တောင်းသောက်တတ်တဲ့ မြင်းမြီးရောင်ဆံပင်နဲ့ ယူရိုပီယမ် ချွတ်တား 
မလေးတွေကို တွေ့ဖူးခဲ့ရသလို ကော့ညက်လေး ရှန်ပိန်လေး တခွက်နှစ်ခွက်သောက်ပြီး ဖရန့်ကစ်စ်
ပေးချင်ကြတဲ့ စင်ကာပူရီယမ်မလေးတွေ နိပွန်မ နုနုပျိုပျိုလေးတွေကိုလည်း တွေ့ကြုံခဲ့ရဖူးပါတယ်။

ထော်လော်ကန့်လန့် စတိုင်လ်နဲ့ တန်ဖိုးကြီး လောင်းဟဲယား ဆံပင်တုကို တသသ လုပ်နေတတ်တဲ့ 
အာဖရိကန် ဘလက်ကီမလေးတွေကိုလည်း တွေ့ကြုံခဲ့ရဖူးပါတယ်၊ စီးကရက်လေး တလိပ်လောက် 
ပေးသောက်ပါလားလို့ တောင်းဆိုတတ်တဲ့ မာရီလင် မွန်ရိုးတို့ ဘရစ်ဂျစ် ဘားဒေါ့တို့ စတိုင်လ် ဖမ်း 
ထားတဲ့ မျက်လုံးစိမ်းနဲ့ အဖြူမချောချောကြီးတွေကိုလည်း စကားပြောခဲ့ဖူးပါတယ်။

ညစ်ထပ်ထပ်ဆံပင် ကျစ်ဆံမြီးကျစ်ထားတဲ့ ဒေါင့်မကျိုး ဘာမှမကျိုးတဲ့ လက်စဘီယမ် အီတာလီယံ 
ညိုချောချောမလေးတွေကိုလည်း တွေ့ခဲ့ဖူးပါတယ်၊ မင်းရဲ့ ပုံတူ ငါဆွဲပေးမယ် ပြောပြီး ဟော်တယ်ခ 
သုံးလေးလမှ တကြိမ် မနည်းပေးနေရတဲ့ ကယ်ရီကေးချား ကာတွန်းဆွဲသမား အဖိုးကြီး ခေါ်တိုက် 
တဲ့ စကော့ဝီစကီ ပြင်းရှရှကိုလည်း ရေမရော ဘာမရော နိ့တ် သောက်ခဲ့ဖူးပါတယ်။

အခုလို နွေကာလကျောင်းပိတ်ရက်တွေမှာ အဲဒီမဟာဟော်တယ် အခန်း ၅၂ ခန်းရဲ့ လေးပုံသုံးပုံက
Dortoir ခေါ်တဲ့ ကျားကျားမမ ပျိုပျိုအိုအို စုပေါင်းစပ်ပေါင်း စုပြုံတည်းခိုကြတဲ့ စနစ်ကို ပြောင်းလိုက်
ပါတယ်၊ အဲဒီမှာမှ လူစုံစရိုက်စုံကို တွေ့ရှိရပါတော့တယ်၊ လူငယ်လူရွယ်တွေ ပိုမိုများပေမယ့် လူကြီး
တွေလည်း ပါပါတယ်၊ ဒီလို အားလပ်ရက် အပန်းပြေ ခရီးချိန်မှာ သူတို့တတွေရဲ့ အမှန်အကန် ဘဝ
တွေကို ထားရစ်ခဲ့ကြပြီး ကျောင်းမေ့ရုံးမေ့ အိမ်မေ့ မေ့ထားနိုင်ကြတဲ့ စိတ်မျိုးတွေကို အမှန်တကယ်
သိရှိ ခွင့်ရခဲ့ပါတယ်၊ မူးကြရူးကြပေမယ့် ပြဿနာကြီးငယ် တက်တာကိုတော့ မကြုံတွေ့ခဲ့ရပါဘူး။


မဟာရိုမန်တစ် ဟော်တယ်                                                                    (ဓါတ်ပုံ မရငတ)

လာရောက်တည်းခိုကြသူ လူငယ်လူရွယ်အများစုနဲ့ လူကြီးလူဖြူတွေရဲ့ စရိုက်တွေကတော့ အသေး
စိတ် မပြောပါရစေနဲ့တော့၊ တူညီတာကတော့ အဲဒီလို ရိုမန်တစ် Butte Montmartre တောင်ဆီသို့
ရိုမန်တစ် ချင်လွန်းလို့ ရောက်လာကြသူတွေဟာ ကျောင်းသား ကျောင်းသူ ကျောင်ဆရာ ပါမောက္ခ
ပညာရှိ ပညာရှင် ပညာသေ လမ်းဘေး ဈေးသည် အလုပ်လက်မဲ့ အလွှာပေါင်းစုံကပါ၊ ဘယ်အလွှာ 
မျိုးကလာလာ သူတို့ဟာ ဒီနေရာကို ဒီအချိန်မှာ ရောက်လာကြရင် သူတို့ရဲ့ လက်ရှိဘဝတွေကို မေ့ 
လို့ထား Montmartre Crazy တွေ အဖြစ် လွတ်လပ်စွာ ရူးသွပ်စွာ ခံစားကြပါတော့တယ်။

အာရှဗဲလူး အာဖရိကဗဲလူး အမေရိကဗဲလူး ဆိုသူများလည်း ဒီလိုမျိုး ရိုမန်တစ်ဧရိယာ ရောက်ခဲ့ရင်
ရိုမန်တစ်ဗဲလူးကြပြီး အရာအားလုံးကိုမေ့ Montmartre Crazy တွေ အဖြစ် လွတ်လပ်စွာ ရူးသွပ်စွာ 
ခံစားကြတော့တာကိုတော့ မောင်ရင်ငတေ့ မျက်မြင်ကော နဖူးတွေ့ဒူးတွေ့ကော တွေ့ဖူးခဲ့ရပါတယ်။

ဒါပေမယ့် ဒီအလုပ်ကတော့ မောင်ရင်ငတေ့ ဘဝတလျှောက် လုပ်ခဲ့ဖူးတဲ့ အောက်ခြေသိမ်း အလုပ်
တွေထဲမှာ ရိုမန်တစ် ရပ်ကွက်ထဲက မလွမ်းလောက်စရာ အလုပ်တခုအဖြစ်သာ မှတ်တမ်းတင်ချင်မိ 
ရကြောင်းပါ ခင်ဗျားးးးးးးးးး ၊ ရိုမန်တစ်သမား မောင်ရင်ငတေရဲ့ ရိုမန်မတစ်ခဲ့တဲ့ နေ့ရက်များပါ။

ဘွန်ရူးဆာဗားနဲ့. ဟောင်းအာယူကို ထည်လဲသုံးရင်း ဖြတ်သန်းခဲ့ရတဲ့ နေ့ရက်ပေါင်း သုံးရာ့ငါးဆယ် 
ခန့်ဟာ အခုတော့ အတိတ်က အရိပ်အဖြစ် မူန်ဝါးဝါး ကျန်ရစ်ခဲ့ပါပြီလေ။


မဟာရိုမန်တစ် လှေကားထစ်များ                                                            (ဓါတ်ပုံ မရငတ)

အကယ်၍များ ပါရီရွှေမြို့တော်ကြီးကနေ အပြီးအပိုင် ခွဲခွာရမယ့် နေ့ရက်များ ရောက်လာတော့မယ် 
ဆိုလာရင်တော့ မောင်ရင်ငတေ ရိုမန်မတစ်ခဲ့ရတဲ့ မဟာရိုမန်တစ်ဟော်တယ်မှာ တညတာလောက် 
နားခိုနှုတ်ဆက်ချင်မိပါသေးတယ်၊ မောင်ရင်ငတေ အကြိုက်နှစ်သက်မိဆုံး အပေါ်ဆုံးထပ် ဒေါင့်ခန်း
လေးမှာ တညတာနားခိုရင်း အဝေးမှာ လှမ်းလို့မြင်နေရတဲ့ ပါရီ မွန့်မတ်ထ် ရိုမန်တစ် တောင်စောင်း 
တလျှောက် မျှော်ငေးကြည့်ရင်း ခပ် မဖန့်တဖန် ဝိုင်နီနီကို မကုန်အောင်သောက်ရင်း အခန်းပြူတင်း 
ကနေ တဝက်တပျက် လှမ်းမြင်နေရတဲ့ လှေကားထစ်များကို ရေတွက်နေရင်း ပါရီ ရွှေမြို့တော်ကြီး 
ကို နောက်ဘိတ်ဆုံး အနေနဲ့ နှုတ်ဆက်ခွင့် ရချင်မိပါတယ်။


ဤကဲ့သို့ ရိုမန်တစ်ကြသူများ                                                            (ဓါတ်ပုံ မရငတ)

မောင်ရင်ငတေရဲ့ ၂၀၀၁ ခုနှစ်ကုန်ပိုင်း ပါရီဖြတ်သန်းမှု အမှတ်တရ စာစု
ပါရီ ရိုမန်တစ်ရပ်ဝန်းထဲက ရိုမန်မတစ်ခဲ့တဲ့ နေ့ရက်များပါ ခင်ဗျာ၊ ကျေးဇူးအထူးတင်ပါတယ်။

မောင်ရင်ငတေ ၂၈၀၇၂၀၁၆-၂၃၀၈၂၀၁၈ 

http://moemaka.com/archives/52794   ဇူလိုင် ၂၉၊ ၂၀၁၆

ပါရီပုံရိပ်များ (ဘဝထဲကလူသား)

ပါရီ ရိုမန်တစ်ရပ်ဝန်းထဲက ရိုမန်မတစ်ခဲ့တဲ့ နေ့ရက်များ



vendredi 22 juillet 2016

** ငါ့ ရင်ထဲမှာ ဧရာဝတီ (သို့မဟုတ်) ရေစီးသံများ စာစု (တစ်) * **

ငါ့ ရင်ထဲမှာ ဧရာဝတီ
(သို့မဟုတ်) ရေစီးသံများ စာစု



https://www.scribd.com/document/319003460/%E1%80%84%E1%80%AB-%E1%80%9B%E1%80%84-%E1%80%91%E1%80%B2%E1%80%99%E1%80%BD%E1%80%AC-%E1%80%A7%E1%80%9B%E1%80%AC%E1%80%9D%E1%80%90%E1%80%AE-%E1%80%9E%E1%80%AD%E1%80%AF%E1%82%94%E1%80%99%E1%80%9F%E1%80%AF%E1%80%90-%E1%80%B1%E1%80%9B%E1%80%85%E1%80%AE%E1%80%B8%E1%80%9E%E1%80%B6%E1%80%99-%E1%80%AC%E1%80%B8-%E1%80%85%E1%80%AC%E1%80%85%E1%80%AF

http://www.mediafire.com/download/ljt956kuauai9xz/%E1%80%84%E1%80%AB%E1%80%B7+%E1%80%9B%E1%80%84%E1%80%B9%E1%80%91%E1%80%B2%E1%80 

စာမျက်နှာ ၉၂ မျက်နှာပါ ပီဒီအက်ဖ်ဖိုင် အစအဆုံးပါ၊
ဖတ်ချင်သူများ သည်းညည်းခံတော့ ဖတ်ကြည့်ကြပါ ခင်ဗျားးးးးးးးးးးးးး

မောင်ရင်ငတေ ရောက်ရှိခဲ့ဖူးတဲ့ မြစ်တွေချောင်းတွေအကြောင်း သောင်းပြောင်းထွေလာပါ၊
အများစုကတော့ ဥရောပ အနောက်ပိုင်းနဲ့ တောင်ပိုင်း ဒေသ တွေက မြစ်ချောင်းတွေ
အကြောင်းပါ၊

နှစ်ထောင့်တဆယ့်လေး နှစ်ဆန်းပိုင်းကနေ နှစ်ထောင့်တဆယ့်ငါး နှစ် ကုန်ပိုင်းအထိ
ကာလအတွင်းမှာ ဒီ ရေစီးသံများ စာစုများကို ရေးဖြစ်ခဲ့တာပါ၊ စုစုပေါင်း ခွန်နှစ်ပုဒ် ရှိခဲ့ပါပြီ၊

နှစ်ထောင့်တဆယ့်ခြောက်မှာတော့ မြစ်တွေချောင်းတွေရှိရာကို ထပ်မံရောက်ရှိ
ခဲ့ပေမယ့် မောင်ရင်ငတေ့ ထုံးစံအတိုင်း အတိုအစ အပိုင်းအစတွေကို ပြန်လည်ဆက်စပ်
အချောမသတ်နိုင် ဖြစ်နေတာမို့ အဆုံးသတ် ရေးသားထားပြီးသားတွေဖြစ်တဲ့

** ငါ့ ရင်ထဲမှာ ဧရာဝတီ (သို့မဟုတ်) ရေစီးသံများ ** * စာစု ခွန်နှစ်ပုဒ်ကိုသာ
တစုတစည်းတည်းဖြစ်အောင် ပထမဦးစွာ ပေါင်းစည်းလိုက်ရခြင်းပါ၊

ဥရောပရဲ့ မြစ်တွေချောင်းတွေ ပင်လယ်ဝတွေရှိရာကို မောင်ရင်ငတေ ရောက်ရှိခဲ့တဲ့
အခါတိုင်းမှာ အဲဒီလိုရေစီးသံတွေကို မောင်ရင်ငတေ ဂရုတစိုက် နားထောင်မိတတ်ပါတယ်၊

လူသူကင်းဝေးတဲ့ တောတွေတောင်တွေကြားမှာဆိုရင် ခပ်သေးသေး ရေချောင်းလေးရဲ့
ရေစီးသံမျိုးကတောင် တဝေါဝေါနဲ့ အတော်လေးကို ကျယ်ကျယ် ကြားရတတ်ပါတယ်၊

အဲဒီလို ကြားမိရတိုင်းမှာ မောင်ရင်ငတေ ငယ်ဘဝက ထိတွေ့ ရင်းနှီးခဲ့ရတဲ့ ဧရာဝတီမြစ်ကြီးနဲ့
တခြားသော မြစ်ငယ်ချောင်းငယ်များရဲ့ ရေစီးသံမျိုးစုံကို ပြန်လည် ကြားယောင် လာမိရပါတယ်၊

အဲဒီလို မောင်ရင်ငတေ့ နားထဲမှာ ကြားယောင်နေမိတဲ့ အသံတွေကို ဖလှယ်ယူပြီး
ဒီစာစုများကို ရေးဖြစ်ခဲ့ခြင်းပါ၊

ဒီ စာစုတွေကို ဖတ်ကြည့်မယ် ဆိုရင်တော့ ဥရောပမြစ်တွေချောင်းတွေရဲ့ အကြောင်း
အဆိုးအကောင်း အနည်းငယ်မျှတော့ တီးခေါက်မိနိုင်ကြောင်းပါ ခင်ဗျား၊

မောင်ရင်ငတေ
ဧပြီ ၁၀၊ ၂၀၁၄ -------- နိုဝင်ဘာ ၂၅၊ ၂၀၁၅

 https://fr.scribd.com/document/319003460/%E1%80%84%E1%80%AB-%E1%80%9B%E1%80%84-%E1%80%91%E1%80%B2%E1%80%99%E1%80%BD%E1%80%AC-%E1%80%A7%E1%80%9B%E1%80%AC%E1%80%9D%E1%80%90%E1%80%AE-%E1%80%9E%E1%80%AD%E1%80%AF%E1%82%94%E1%80%99%E1%80%9F%E1%80%AF%E1%80%90-%E1%80%B1%E1%80%9B%E1%80%85%E1%80%AE%E1%80%B8%E1%80%9E%E1%80%B6%E1%80%99-%E1%80%AC%E1%80%B8-%E1%80%85%E1%80%AC%E1%80%85%E1%80%AF