ကန်းဗတ်စ်အစုတ်တရံနဲ့
အတွေးစများ (နှစ်)
ကန်းဗတ်စ်အစုတ်တရံနဲ့
အတွေးစများ (နှစ်)
ကန်းဗတ်စ်အစုတ်တရံမှာ
ကန်းဗတ်စ်ဖိနပ်အစုတ်တရံမှာ
ကီလိုမီတာ
တော်တော်များများနဲ့
သမိုင်းကြောင်းအဟောင်းတွေ
ရှိခဲ့တယ်၊
ကန်းဗတ်စ်အစုတ်တရံနဲ့
အတွေးစများဟာ အရစ်ရှည်တတ်ပါကြောင်း သူကသတိပေးလာတယ်၊
သူဟာ
ဟိုး စကြဝဠာအထက်က
လူတယောက်ရဲ့ စိန်တွေဥ မြတွေရံထားတဲ့ ဖိနပ်တရံ မဖြစ်ပါရစေနဲ့တဲ့၊
သူဟာ
ဟို
လှေကားထစ်ကြီးတွေကို ပုခုံးတွန့် တက်တတ်တဲ့သူ တယောက်ရဲ့ ဖိနပ်တရံ မဖြစ်ပါရစေနဲ့တဲ့၊
သူဟာ
ရွံတော
သဲတော ကျောက်တော ကတ္တရာတောမှာ ပျော်မွေ့လေသူတယောက်ရဲ့
ပေါက်နေတဲ့ခြေထောက်နဲ့
သင့်တော်တဲ့ ပေါက်နေတဲ့ဖိနပ်တရံသာ ဖြစ်ပါရစေတဲ့၊
ဒါပေမယ့်
သူဟာ
ငါးဆယ်ကျော်သား
တယောက်ရဲ့ မိတ်ဆွေရင်း စစ်စစ်ကြီးပေ့ါ၊
(မရငတ)
၀၈၀၃၂၀၁၆
Aucun commentaire:
Enregistrer un commentaire